प्रस्तावित निर्वाचन आयुक्तहरूसँग सम्बन्धित उजुरी खोलिँदै

काठमाडौँ । सङ्घीय संसद्को संसदीय सुनुवाइ समितिको बैठक आज बिहान ११:०० बजे सिंहदरबारस्थित संसद् भवनमा बस्ने भएको छ। राज्य व्यवस्था तथा सुशासन समितिको सभाकक्षमा बस्ने उक्त बैठकमा प्रमुख निर्वाचन आयुक्त र निर्वाचन आयुक्त पदमा नियुक्तिका लागि प्रस्तावित व्यक्तिहरूप्रति प्राप्त उजुरीहरूको विषयमा छलफल गर्ने, उजुरी खोल्ने तथा प्रस्तावित व्यक्तिहरूले पेस गरेको कार्ययोजना वितरण गर्ने सम्भावित कार्यसूची रहेको छ।

गत असार १९ गते बसेको संवैधानिक परिषद्को बैठकले प्रमुख निर्वाचन आयुक्तमा मानबहादुर कार्की तथा निर्वाचन आयुक्तहरूमा डा. राजीव सुब्बा र गुरुप्रसाद वाग्लेलाई नियुक्त गर्न सिफारिस गरेको थियो। सोही सिफारिसअनुसार सुनुवाइ समितिले असार २५ गतेदेखि नै सुनुवाइ प्रक्रिया औपचारिकतापूर्वक अगाडि बढाएको थियो।