‘खादा–मालामै गण्डकी सरकारको ३५ करोड स्वाहा !’

पोखरा । गण्डकीका एक सांसदले प्रदेश सरकारको झन्डै ३५ करोड रुपैयाँ खादा माला खरिदमै खर्च भएको आरोप लगाएकी छिन् । प्रदेश सभा बैठकको शून्य समयमा बोल्दै सांसद दमयान्ती रुचालले खादा खरिदमा सरकारले ३५ करोड खर्च गरेको बताएकी हुन् ।

‘राज्यका निकायमा खादा खरिदमा मात्रै वार्षिक ३५ करोडभन्दा बढी नागरिकको कर दुरुपयोग भइरहेको छ । माला र मायाको चिनो जोड्दा अर्बौं रकम दुरुपयोग भएको बुझ्न सकिन्छ,’ उनले भनिन्, ‘मायाको चिनो दिनै परे संविधान, कानुनी संग्रह र गण्डकी प्रदेशका लेखकहरूको चर्चित पुस्तक दिने व्यवस्था गरियोस् ।’