हराउँदै अन्नपूर्ण पदमार्ग

पोखरा। केही वर्षअघिसम्म म्याग्दीको घोडेपानी पुग्न पाँच दिन पैदल हिँड्नुपर्थ्यो। अहिले पोखराबाट जिप चढेपछि केही घण्टामै पुगिन्छ।

अन्नपूर्ण संरक्षण क्षेत्रमा पर्ने घोडेपानी–पुनहिल पदमार्ग चैत–वैशाखमा लालीगुराँस र शरद् ऋतुमा हिमाल हेर्न आउने पर्यटकको रोजाइमा पर्छ। कुनैबेला पदयात्री मात्र हिँड्ने यस बाटोमा अहिले जिप गुड्छन्। पदयात्री पनि बर्खामा हिलो छिचोल्दै र हिउँदमा धुलो झेल्दै त्यही मोटरबाटोमा हिँड्न बाध्य छन्।