संसदीय सुनुवाइ समितिको बैठक बस्दै, प्रस्तावित आयुक्तहरूको उजुरी खोलिने

काठमाडौँ- संघीय संसद् अन्तर्गतको संसदीय सुनुवाइ समितिको बैठक आज बस्दैछ। मंगलबार बिहान ११ बजे सिंहदरबारस्थित संसद् भवनमा बैठक बस्ने भएको हो।

राज्य व्यवस्था तथा सुशासन समितिको सभाकक्षमा बस्ने सो बैठकमा प्रमुख निर्वाचन आयुक्त र निर्वाचन आयुक्तका पदमा नियुक्तिका लागि प्रस्तावित व्यक्तिहरुको सम्बन्धमा प्राप्त उजुरीका विषय, प्रस्तावित व्यक्तिहरुले पेस गरेको कार्ययोजना वितरण गर्ने सम्भावित कार्यसूची रहेको समितिले जनाएको छ।