माइक्रो म्यानेजमेन्टबाट पछि हट्यो अर्थ मन्त्रालय, रकमान्तर र कार्यक्रम संशोधनमा खुकुलो नीति

काठमाडौँ । सुपर रेगुलेटरी निकायको रूपमा अन्य निकायमा गर्दै आएको माइक्रो म्यानेजमेन्टको अभ्यासबाट अर्थ मन्त्रालय पछि हटेको छ । सङ्घीय सरकारको बजेट कार्यान्वयनका सन्दर्भमा अर्थ मन्त्रालयले आफ्नो विगतको कार्यशैलीमा व्यापक परिवर्तन गरेको हो ।

आर्थिक वर्ष २०८२/८३ र २०८३/८४ को बजेट कार्यान्वयनसम्बन्धी मार्गदर्शनहरूको तुलनात्मक अध्ययन गर्दा अर्थ मन्त्रालयले खुद्रा र मसिना विषयहरूमा हस्तक्षेप गर्न छाडेर नीतिगत र समष्टिगत वित्तीय अनुशासनमा मात्र आफूलाई केन्द्रित गर्न खोजेको प्रस्ट देखिन्छ ।