सिक्किममा पहिरोले सुरुङको प्रवेशद्वार थुनियो : सातको मृत्यु, २० जना फसेको आशंका

भारतको सिक्किमस्थित नाम्ची जिल्लामा सोमबार गएको पहिरोका कारण सुरुङको प्रवेशद्वार अवरुद्ध हुँदा ठूलो दुर्घटना भएको छ।

मामरिङमा रहेको समरदुङ सुरुङमा निर्माण कार्य चलिरहेको बेला आएको पहिरोमा परी २७ जना कामदार भित्रै फसेका थिए। तीमध्ये सात जनाको मृत्यु भएको छ भने बाँकी २० जना अझै सुरुङभित्रै फसेका छन्। दैनिक भास्करका अनुसार सुरुङमा फसेका कामदारहरूको संख्या अझै यकिन हुन बाँकी रहेको छ। यो संख्या घटबढ हुन सक्ने जनाइएको छ।