माछापुच्छ्रे बैंकद्वारा दुई कर्मचारीको बढुवा, अर्याल सिनियर डीसीईओ र जमरकटेल डीसीईओमा नियुक्त

काठमाडौं– माछापुच्छ्रे बैंक लिमिटेडले आफ्नो उच्च व्यवस्थापन तहलाई थप सुदृढ बनाउँदै दुई उच्च पदस्थ कर्मचारीलाई बढुवा गरेको छ।

बैंकको सञ्चालक समितिको साउन ४ गते बसेको बैठकले नायब प्रमुख कार्यकारी अधिकृत (डीसीईओ) प्रसिद्धराज अर्याललाई वरिष्ठ नायब प्रमुख कार्यकारी अधिकृत (सिनियर डीसीईओ) तथा नायब महाप्रबन्धक सुभाष जमरकटेललाई नायब प्रमुख कार्यकारी अधिकृत (डीसीईओ) पदमा बढुवा गर्ने निर्णय गरेको हो।