काठमाडौँको बौद्धमा युवतीले गरिन् आत्मदाह प्रयास

काठमाडौंको बौद्धगेट नजिकै एक युवतीले आफ्नै शरीरमा पेट्रोल छर्केर आगो लगाउँदै आत्मदाहको प्रयास गरेकी छन्। जिल्ला प्रहरी परिसर काठमाडौंका एसपी पवनकुमार भट्टराईका अनुसार सोमबार दिउँसो करिब पौने ३ बजे काठमाडौं महानगरपालिका–६ बौद्धगेट नजिक उक्त घटना भएको हो।

आत्मदाहको प्रयास गर्ने युवती काभ्रे घर भई हाल गोकर्णेश्वर नगरपालिका–माकलबारी बस्ने २७ वर्षीया सालु गुरुङ रहेको प्रहरीले जनाएको छ। उनी श्रीमानसँग मिलेर खाजा पसल सञ्चालन गर्दै आएकी थिइन्।