एउटा अनौठो गाउँ- जहाँ कोब्रासँगै सुत्छन् मानिस, सर्पसँग खेल्छन् बालबालिका

मानिस र सर्पबीचको सम्बन्ध निकै जटिल मानिन्छ। विषालु होस् या विषरहित, मानिसहरू सामान्यतया सर्पबाट टाढै रहन रुचाउँछन्। तर भारतको महाराष्ट्रस्थित एउटा यस्तो गाउँ छ, जहाँका बासिन्दाहरू विषालु कोब्रा सर्पलाई आफ्नै घरमा बस्ने ठाउँ दिन्छन्। त्यहाँ हरेक घरमा सर्पका लागि छुट्टै कोठा बनाइएको छ। सबैभन्दा आश्चर्यको कुरा त के छ भने, पुस्तौँदेखि चलिआएको यो परम्परामा आजसम्म सर्पले कसैलाई पनि डसेको छैन।

साधारणतया सर्प देख्नेवित्तिकै मानिसहरू आत्तिन्छन्, विशेष गरी विषालु कोब्रा देखेर मानिसहरू भाग्ने गर्छन्। तर महाराष्ट्रको सोलापूर जिल्लामा रहेको शेतपाल गाउँले यो सोचलाई पूर्ण रूपमा चुनौती दिएको छ। यहाँका मानिसहरू विषालु कोब्रा सर्पहरूसँग एउटै घरमा बस्छन्, उनीहरूसँगै सुत्छन् र साना बालबालिकाहरू सर्पसँगै खेल्छन्।