पहिरोले गलकोटको गैराखर्क बस्ती जोखिममा

बागलुङ- निरन्तरको वर्षासँगै पहिरो खस्ने क्रम नरोकिएपछि पश्चिम बागलुङको गलकोट नगरपालिका–७ मल्मस्थित गैराखर्क बस्ती जोखिममा परेको छ। हरिचौर–मल्म–पाण्डवखानी–बोङ्गादोभान मोटरबाटोअन्तर्गत मल्मको काउले खोलादेखि नाच्नेडाँडा जोड्ने सडकखण्डको काउलेमा करिब ७५ मिटर भूभाग पहिरोले बगाएपछि गैराखर्क बस्ती जोखिममा परेको हो।

मनसुन सुरु भएसँगै गलकोट क्षेत्रमा अत्यधिक वर्षा भइरहेको छ। निरन्तरको वर्षाका कारण पहिरो खस्ने क्रम नरोकिएपछि गैराखर्कवासी त्रासमा रहेको स्थानीय ज्ञानबहादुर थापाले बताए।