ललितपुरको महालक्ष्मीस्थानमा भासियो सडक, फलामको संरचनाले जोगायो ६ जनाको ज्यान

ललितपुरको महालक्ष्मीस्थानमा अविरल वर्षापछि सडक भासिएको छ । महालक्ष्मी नगरपालिका– ३, महालक्ष्मीस्थानमा सोमबार सडक भासिँदा ठूलो दुर्घटना टरेको छ ।

सडक भासिएपछि त्यसको छेउमा रहेको फर्निचर, क्याफे, किराना पसलसमेत जोखिममा परेको छ । सडकसँग जोडिएको भित्ता बलियो नभएकाले सडक भासिँदा भित्ता र माटो फर्निचरतर्फ खसेको थियो ।