अब मोबाइलमै बज्नेछ विपद्को साइरन, सरकारले ल्याउँदै ‘सेल ब्रोडकास्ट’ प्रणाली

काठमाडौं । नेपालमा विपद्को पूर्वचेतावनी प्रणालीलाई थप प्रभावकारी बनाउन सरकारले मोबाइल फोन प्रसारण प्रणाली (Cell Broadcast System) लागू गर्ने तयारी अघि बढाएको छ । यो प्रणाली सञ्चालनमा आएपछि जोखिमयुक्त क्षेत्रमा रहेका नागरिकको मोबाइलमा एकैपटक चेतावनी सन्देश पठाउन सकिनेछ ।

यस विषयमा राष्ट्रिय विपद् जोखिम न्यूनीकरण तथा व्यवस्थापन प्राधिकरण (एनडीआरआरएमए) मा सम्बन्धित मन्त्रालय तथा निकायका प्रतिनिधिबीच छलफल भएको छ ।