जानकी मन्दिर प्रवेशअघि हर्क साम्पाङको विरोध, तनावपछि दर्शन नगरी फर्किए

जनकपुरधाम । श्रम संस्कृति पार्टीका अध्यक्ष हर्क साम्पाङलाई जनकपुरधामस्थित जानकी मन्दिर भ्रमणका क्रममा आइतबार तनाव उत्पन्न भएको छ। हिन्दू सम्राट सेनाको विरोधपछि मन्दिर परिसरमा धकेलाधकेलको अवस्था सिर्जना भएपछि साम्पाङले दर्शन नगरी फर्किनुपरेको प्रहरीले जनाएको छ।

साम्पाङ आज बिहान करिब ११ बजे समर्थकसहित जानकी मन्दिर दर्शनका लागि पुग्ने कार्यक्रम थियो। तर, उनी मन्दिर पुग्नुअघि नै उनका समर्थक र हिन्दू सम्राट सेनाका कार्यकर्ताबीच मन्दिर परिसरमा धकेलाधकेल भएको थियो।