साफ च्याम्पियनसिप बंगलादेशमा हुने, नेपालको सहभागिता अनिश्चित

काठमाडौं । साफ च्याम्पियनसिप २०२६ बंगलादेशको राजधानी ढाकामा हुने भएको छ । दक्षिण एसियाली फुटबल महासंघ (साफ)को बोर्ड बैठकबाट प्रतियोगिता आउँदो नोभेम्बर ४ देखि १७ सम्म हुने तय गरिएको हो ।

विश्व फुटबलको सर्वोच्च निकाय फिफाको निलम्बनका कारण प्रतियोगितामा नेपालको सहभागिता भने अनिश्चित छ । सन् १९९३ बाट सुरु साफ च्याम्पियनसिप बंगलादेशमा चौथोपटक हुन लागेको हो । सन् २००३, २००९ र २०१८ का संस्करण पनि बंगलादेशमा आयोजना गरिएको थियो ।