बजेट कार्यान्वयन मार्गदर्शन : वित्तीय सुशासनमा सरकारको जोड

अर्थ मन्त्रालयले वित्तीय सुशासनमा जोड दिँदै चालु आर्थिक वर्ष २०८३/८४ को बजेट कार्यान्वयनका लागि मार्गदर्शन जारी गरेको छ। बजेट खर्चलाई समयमै सम्पन्न गर्ने, वित्तीय अनुशासन कायम गर्ने, विकास आयोजनाको गुणस्तर सुधार गर्न निर्देशन दिएको छ।

अर्थ सचिव घनश्याम उपाध्यायले सोमबार जारी गरेको ३७ बुँदे बजेट कार्यान्वयन मार्गदर्शनमा सार्वजनिक स्रोत–साधनको अधिकतम उपयोग सुनिश्चित गर्न भनिएको छ। ‘सरकारले उच्च आर्थिक वृद्धि, रोजगारी सिर्जना, पूर्वाधार विकास र सेवा प्रवाह सुधारलाई प्राथमिकतामा राखेको छ’, सचिव उपाध्यायले जारी गरेको मार्गदर्शनमा भनिएको छ, ‘लक्ष्य हासिल गर्न बजेट कार्यान्वयन सबैभन्दा महत्वपूर्ण पक्ष हो।’