लुगुममा झाँक्री मेला

रुकुमपूर्व : रुकुमपूर्वको भूमे गाउँपालिका–१ लुगुममा परम्परादेखि चलिआएको झाँक्री मेला सोमबार सम्पन्न भएको छ। गाउँलाई विभिन्न अनिष्ट, रोगव्याधि र प्राकृतिक विपत्तिबाट जोगाउने विश्वासका साथ आयोजना गरिने यो मेला स्थानीय मगर समुदायको महŒवपूर्ण सांस्कृतिक तथा धार्मिक परम्पराका रूपमा परिचित छ।

अग्ला पहाडको फेदीमा रहेको लुगुम गाउँ ढुंगा र माटाले बनेका परम्परागत घर तथा मगर खाम भाषाको मौलिक संस्कृतिका कारण परिचित छ। यही गाउँको पूर्वी भेगमा रहेको चौतारामा बर्सेनि झाँक्री मेला लाग्ने गर्दछ। चौतारामा रहेका अग्ला धुपीसल्लाका रुखमुनि गाउँभरिका झाँक्रीहरू भेला भएर विशेष पूजा, तान्त्रिक अनुष्ठान तथा सामूहिक नृत्य गर्ने चलन रहेको छ।