रक्षा आपूर्ति शृङ्खला मजबुत बनाउन ट्रम्पको नयाँ आदेश, घरेलु उत्पादनमा जोड

अमेरिकी राष्ट्रपति डोनाल्ड ट्रम्पले सोमबार एउटा कार्यकारी आदेशमा हस्ताक्षर गरेका छन् । यस आदेशको उद्देश्य अमेरिकाको रक्षा आपूर्ति शृङ्खलालाई अझ सुदृढ बनाउनु र रक्षा क्षेत्रमा प्रयोग हुने अत्यावश्यक सामग्री तथा उपकरणका लागि आवश्यक कलपुर्जाको आपूर्ति सुरक्षित गर्नु रहेको छ ।

ह्वाइट हाउसका अनुसार आदेशले रक्षा कम्पनीहरूलाई राष्ट्रिय सुरक्षासँग सम्बन्धित विशेष खरिद कार्यक्रमका लागि आवश्यक महत्त्वपूर्ण खनिज, सामग्री र कलपुर्जाका नयाँ घरेलु स्रोतहरू स्वीकृत गराउने प्रक्रिया सुरु गर्न प्रोत्साहन गरेको छ । यसका लागि अमेरिका र उसका सहयोगी देशका स्रोतहरू प्रयोग गरिनेछ । साथै, यस प्रक्रियामा रहेका सरकारी नियामकीय अवरोधहरू हटाउने व्यवस्था पनि गरिएको छ ।