अभिनेत्री गौमाया गुरुङले गरिन् विवाह

काठमाडौँ । अभिनेत्री गौमाया गुरुङ विवाह बन्धनमा बाँधिएकी छन् । उनले बेलायतमा प्रेमी दिवससँग विवाह गरेकी हुन् । जसको जानकारी उनले सामाजिक सञ्जालबाट दिएकी छन् ।गुरुङ संस्कार अनुसार भएको विवाह समारोहमा दुई पक्षका सीमित पारिवारिक सदस्यहरूको उपस्थिति रहेको थियो ।

उनले भनेकी छन्, ‘परिवार र आफ्ना प्रियजनहरूको उपस्थितिमा मैले मेरो जीवनसाथी दिवससँग विवाह गरेँ ।’ उनको उक्त पोस्टमा थुप्रै कलाकारले बधाई दिएका छन् ।