स्थानीय तहका गुनासो मुख्य सचिवमार्फत सम्बोधन गरिने, हेलो सरकारमार्फत उजुरी गर्न आग्रह

काठमाडौं । स्थानीय तहमा हुने सार्वजनिक सेवा प्रवाहमा ढिलासुस्ती, ठेक्का पट्टा तथा निर्माण कार्यमा अनियमितता, भ्रष्टाचार र बेथितिसम्बन्धी गुनासोहरूको प्रभावकारी सम्बोधनका लागि नेपाल सरकारले नयाँ व्यवस्था लागू गरेको छ ।

प्रधानमन्त्री तथा मन्त्रिपरिषद्को कार्यालयले मंगलबार सूचना जारी गर्दै हेलो सरकारको पोर्टल तथा गुनासो सुनुवाइका विभिन्न संयन्त्रमार्फत प्राप्त यस्ता गुनासोहरू अब नेपाल सरकारका मुख्य सचिवमार्फत प्रभावकारी रूपमा सम्बोधन हुने व्यवस्था मिलाइएको जनाएको हो ।