जलस्रोत र नवीकरणीय ऊर्जा विधेयकमा रैथाने ज्ञान र स्थानीय अधिकारलाई प्राथमिकता : मन्त्री श्रेष्ठ

काठमाडौँ । ऊर्जा, जलस्रोत तथा सिँचाइमन्त्री विरजभक्त श्रेष्ठले जलस्रोत र नवीकरणीय ऊर्जा सम्बन्धी नयाँ कानुनहरू निर्माण गर्दा नेपालको मौलिक ज्ञान, भौगोलिक आवश्यकता र सङ्घीयताको मर्मलाई आत्मसात् गरिने बताएका छन्।

प्रस्तावित जलश्रोत विधेयक र नवीकरणीय ऊर्जा विधेयकका विषयमा आयोजित छलफल कार्यक्रममा बोल्दै मन्त्री श्रेष्ठले यस्ताे बताएका हुन्। उनले यी विधेयकहरूले तीनै तहका सरकारबीचको समन्वयलाई मजबुत बनाउने र प्राकृतिक स्रोतको न्यायोचित वितरण सुनिश्चित गर्ने बताए।