प्रदेशमा प्रमुख ३ दल मिलेर सरकार बनाउन नहुने कांग्रेसको बटमलाइन

काठमाडौँ । प्रदेशहरूमा सरकार फेर्ने प्रयास तीव्र भइरहेका बेलामा नेपाली कांग्रेसका सभापति गगन थापाले मुख्य ३ दल कांग्रेस, नेकपा एमाले र नेपाली कम्युनिस्ट पार्टी मिलेर प्रदेश सरकार बनाउन नहुने पार्टीको स्पष्ट अडान रहेको बताएका छन् ।

गत आइतबार ललितपुरमा सन्त नेता कृष्णप्रसाद भट्टराईको सालिक अनावरण तथा ४४औँ बीपी स्मृति सप्ताहको शुभारम्भ कार्यक्रममा सभापति थापाले मुख्य ३ दल मिलेर सरकार बनाउँदा प्रदेश सभा प्रतिपक्षविहीन हुने र त्यो जनताको म्यान्डेटविपरीत हुने बताए ।