सुकुना माविका छात्राहरूलाई गृहमन्त्री गुरुङको आश्वासन: ‘नडराउनुहोस्, सरकार तपाईंहरूको साथमा छ’

काठमाडौं । कक्षा ११ र १२ मा पढ्ने छात्राहरूलाई दुर्व्यवहार गरेको आरोपमा मोरङको सुकुना माविका तीन जना कर्मचारी पक्राउ परेपछि गृहमन्त्री सुधन गुरुङले सरकार विद्यार्थीहरूको साथमा रहेको बताएका छन् । फेसबुक र इन्स्टाग्राममा स्टोरी राख्दै उनले अन्य विद्यार्थी पीडित भएको भए आवाज उठाउन आग्रह समेत गरेका छन् ।

उनले उक्त विद्यालयमा अन्य विद्यार्थी समेत पीडित भएमा नजिकैको प्रहरी चौकीमा जान सुझाव गरेका हुन् । विद्यार्थीहरूको साथमा सरकार रहेको भन्दै उनले आफूमाथि भएको दुर्व्यवहारका घटना बाहिर ल्याउन भनेका हुन् ।