कीर्तिपुरमा जलेको कार काठमाडौंका सुरेशचन्द्रको

काठमाडौं । कीर्तिपुरमा जलेर ध्वस्त भएको कार काठमाडौंको नरदेवीका सुरेशचन्द्र श्रेष्ठको नाममा रहेको खुलेको छ । बा ५च ३०३८ नम्बरको सेतो कार मंगलबार (साउन ५) कीर्तिपुरको चाँदनीचोकस्थित खाली जग्गामा पार्किङ गरिएको अवस्थामा जलेर नष्ट भएको थियो ।

कारभित्र चालक सिटमा रहेका व्यक्तिको समेत जलेर मृत्यु भएको छ । मृतकको भने पहिचान भइसकेको छैन ।