युक्रेनी सेनामा भर्ना हुनै मान्दैनन् जनता

किभ । भासिल क्रुपिचलाई युक्रेनका लागि लड्नुको अर्थ के हो भन्ने राम्रोसँग थाहा छ। पूर्वी डोन्बास क्षेत्रका भयानक युद्ध मैदानमा कहिले प्रार्थना गर्दै त कहिले रुँदै मेसिन गन चलाएर उनी रुसी फौजको आक्रमणबाट कसै गरी बाँच्न सफल भएका थिए।

तर गत डिसेम्बरमा पछिल्लो क्षेत्रमा खटिएका बेला सेनामा भर्ती हुन छाडेर भागेकाहरूको खोजी गर्ने क्रममा उनी आफ्नै देशवासीबाट आक्रमणमा परे। उनका अनुसार दुई जना पुरुषले परिचयपत्र देखाउन दिइएको आदेश अस्वीकार गर्दै भागेका थिए।