रसुवा भन्सारमा ८ करोड ८६ लाख बराबरका ११ विद्युतीय सवारी बेवारिसे, एक वर्षदेखि अलपत्र

काठमाडौं । रसुवा भन्सार कार्यालयमा करिब ८ करोड ८६ लाख रुपैयाँ मूल्य बराबरका ११ वटा विद्युतीय (ईभी) सवारी साधन एक वर्षभन्दा बढी समयदेखि बेवारिसे अवस्थामा थन्किएका छन्। आयातकर्ताले भन्सार जाँचपास नगरेपछि ती सवारी साधन भन्सार परिसरमै अलपत्र परेका हुन्।

भन्सार स्रोतका अनुसार चीनबाट नेपाल ल्याइएका ती विद्युतीय गाडी विभिन्न समयमा रसुवा नाकामार्फत आयात गरिए पनि आयातकर्ताले आवश्यक भन्सार प्रक्रिया पूरा नगर्दा हालसम्म छुटाउन आएका छैनन्। लामो समयसम्म जाँचपास नभएपछि ती सवारी साधन भन्सार यार्डमै थन्किएका छन्।