प्रदीप अधिकारीविरूद्ध अर्को मुद्दा दायर

काठमाडौँ । अख्तियार दुरुपयोग अनुसन्धान आयोगले नेपाल नागरिक उड्डयन प्राधिकरणका तत्कालीन महानिर्देशक प्रदीप अधिकारीविरुद्ध अर्को मुद्दा दायर गरेको छ ।

यसअघि नै केही मुद्दा दायर भइसकेका उनीविरुद्ध अख्तियारले मङ्गलबार भ्रष्टाचार र सम्पत्ति शुद्धीकरणको कसुरमा विशेष अदालतमा मुद्दा दायर गरेको हो। आयोगले अधिकारीले पदीय दुरुपयोग गरी १ करोड ७१ लाख रुपैयाँ घुस लिएको र उक्त रकमलाई जग्गा खरिदमा प्रयोग गरी शुद्धीकरण गरेको जिकिर गरेको छ ।