विद्यालय शिक्षामा नयाँ व्यवस्था : कक्षा ५ सम्म लिखित परीक्षा हट्यो, ७५ प्रतिशत हाजिरी नभए परीक्षा दिन नपाइने

काठमाडौं । विद्यालय शिक्षाको मूल्याङ्कन प्रणालीलाई देशभर एउटै मापदण्डमा सञ्चालन गर्ने उद्देश्यसहित सरकारले लेटर ग्रेडिङसम्बन्धी नयाँ निर्देशिका लागू गरेको छ । शिक्षा मन्त्रालयले जारी गरेको निर्देशिकाले विद्यार्थीको मूल्याङ्कन, परीक्षा सञ्चालन तथा विद्यालयको समय व्यवस्थापनमा नयाँ व्यवस्था गरेको हो ।

मन्त्रालयका अनुसार नयाँ निर्देशिका ल्याउनुको उद्देश्य विद्यालयहरूमा फरक–फरक रूपमा अपनाइँदै आएको मूल्याङ्कन प्रणालीलाई एकरूप बनाउनुका साथै परीक्षाका कारण विद्यार्थीमा देखिने मानसिक दबाब र त्रासलाई कम गर्नु हो ।