वैदेशिक रोजगारीको क्रममा ठगीमा परेकाले अब अनलाइनमार्फत नै उजुरी दिन सक्ने

वैदेशिक रोजगारीको क्रममा ठगीमा पर्दा अब अनलाइनबाट नै उजुरी गर्न सकिने भएको छ । ‘उजुरी डोफे गभर्मेन्ट नेपाल’ नामक पोर्टलमार्फत आफू रहेकै ठाउँबाट उजुरी दिन सकिने वैदेशिक रोजगार विभागले जनाएको छ ।

यस पोर्टलको मंगलबार युवा, श्रम तथा रोजगारमन्त्री रामजी यादवले औपचारिक शुभारम्भ गर्दै अब पीडितहरूले न्याय माग्न काठमाडौं धाउन पर्ने बाध्यताको अन्त्य भएको बताएका छन् ।