नुहाउन गएकी बालिकाको खोलाले बगाएर मृत्यु

सङ्खुवासभा : सभापोखरी गाउँपालिका–६ स्थित सभाखोलामा नुहाउने क्रममा खोलाले बगाउँदा एक बालिकाको मृत्यु भएको छ।

मंगलबार दिउँसो करिब २:४५ बजे नुहाउने क्रममा खोलाले बगाएर बेपत्ता भएकी सभापोखरी गाउँपालिका–३ निवासी १२ वर्षीया जानकी लिम्बू मृत अवस्थामा फेला परेको जिल्ला प्रहरी कार्यालय सङ्खुवासभाका प्रहरी निरीक्षक धनबहादुर राजवंशीले जानकारी दिए।