समता शुल्क कानुनी रूपमा तत्काल खारेज गर्न कुलमान घिसिङको आग्रह

उज्यालो नेपाल पार्टीका अध्यक्ष कुलमान घिसिङले सरकारले शिक्षा र स्वास्थ्य क्षेत्रमा लगाइएको ३ प्रतिशत समता शुल्क लागू नगर्ने घोषणा गरेपछि त्यसलाई आवश्यक कानुनी प्रक्रिया पूरा गरी तत्काल कार्यान्वयनमा ल्याउन आग्रह गरेका छन्।

मंगलबार प्रधानमन्त्रीले सामाजिक सञ्जालमार्फत निजी शिक्षा र स्वास्थ्य क्षेत्रमा लगाइएको समता शुल्क लागू नगर्ने घोषणा गरेलगत्तै घिसिङले उक्त निर्णयको स्वागत गर्दै कानुनी रूपमा स्पष्ट व्यवस्था हुनुपर्ने बताएका हुन्।