नवनियुक्त उपकुलपति जोशीको योजना– यसै वर्ष गेटामा एमबीबीएस, ३०० बेडको शिक्षण अस्पताल

धनगढी । लामो समयदेखि सञ्चालनको प्रतीक्षामा रहेको कैलालीको गेटास्थित शहिद दशरथ चन्द स्वास्थ्य विज्ञान विश्वविद्यालयले यसै शैक्षिक सत्रदेखि एमबीबीएससहित विभिन्न शैक्षिक कार्यक्रम सञ्चालन गर्ने तयारीलाई तीव्र बनाएको छ।

विश्वविद्यालयले शिक्षण अस्पताल सञ्चालन, आवश्यक जनशक्ति व्यवस्थापन, उपकरण परीक्षण तथा खरिद र शैक्षिक पूर्वाधारलाई पूर्ण रूपमा प्रयोगमा ल्याउने कामलाई एकसाथ अघि बढाएको हो।