प्रदीप अधिकारीविरुद्ध सम्पत्ति शुद्धीकरणको मुद्दा, १ करोड ७१ लाख बिगो माग

काठमाडौं : नागरिक उड्डयन प्राधिकरणका तत्कालीन महानिर्देशक प्रदीप अधिकारीविरुद्ध अख्तियार दुरुपयोग अनुसन्धान आयोगले सम्पत्ति शुद्धीकरण मुद्दा दायर गरेको छ।

प्राधिकरणले आह्वान गरेको बोलपत्रमा सहभागी कम्पनी र सेयरधनीसँग श्रीमतीको नाममा जग्गा खरिद गरी घुस लिएको आयोगको अनुसन्धानबाट खुलेको छ। ललितपुरमा १३ आना जग्गा खरिद गर्दा १ करोड ७१ लाख रुपैयाँ ठेक्काबापत घुस लिएको आयोगको निष्कर्ष छ।