‘मालती मंगले’ लिएर अस्ट्रेलियामा रामकृष्ण ढकाल, एडिलेडमा दीप श्रेष्ठसँग गुञ्जिने

काठमाडौँ । आफू निर्मित फिल्म ‘मालती मंगले’ लिएर गायक रामकृष्ण ढकाल अस्ट्रेलिया पुगेका छन् । २५ जुलाईमा सिड्नीको पारमाटा रोडस्थित ग्रान्ड प्यालेस सेन्टरमा लाइभ सांगीतिक प्रस्तुतिसँगै रेडकार्पेट प्रिमियर हुने निर्माता तथा गायक ढकालले रातोपाटीलाई बताए ।

फिल्म लिएर डेढ महिनाअघि अमेरिका गएका उनी त्यहाँको प्रदर्शन सकेर सिधै अस्ट्रेलिया पुगेका हुन् । ‘मालती मंगले’को अस्ट्रेलिया राइट्स माउन्ट पुमोरी इभेन्ट्स प्रालिले खरिद गरेको छ । रेड कार्पेट प्रिमियरका क्रममा लाइभ ब्यान्डका साथ आफ्नो सांगीतिक प्रस्तुति समेत रहने गायक ढकालले बताए ।