नेप्से परिसूचकमा सामान्य वृद्धि

काठमाडौँ । धितोपत्र बजारमा सेयर कारोबार मापन गर्ने नेप्से परिसूचक आज सामान्य अङ्कले बढेको छ। नेपाल स्टक एक्सचेञ्ज (नेप्से) का अनुसार आज परिसूचक ७.२५ अङ्कले वृद्धि भई २,७२६.४९ विन्दुमा पुगेको छ।

बजारमा अन्य सूचकहरूमा भने मिश्रित नतिजा देखिएको छ। ठूला कम्पनीहरूको कारोबार मापन गर्ने सेन्सेटिभ परिसूचक ०.१८ अङ्कले घटेर ४७२.४२ अङ्कमा झरेको छ भने फ्लोट सूचक ०.१९ अङ्कले बढेर १८६.६२ विन्दुमा पुगेको छ। यस्तै, सेन्सेटिभ फ्लोट सूचक भने स्थिर रहँदै १६०.०२ कै स्थितिमा कायम रहेको छ।