म चाँडै स्वदेश फर्कने छु : शेरबहादुर देउवा

नेपाली कांग्रेसका पूर्वसभापति तथा पूर्वप्रधानमन्त्री शेरबहादुर देउवाले आफू स्वास्थ्य उपचारपछि चाँडै स्वदेश फर्किने बताएका छन्। हाल उपचारका लागि विदेशमा रहेका देउवाले बीपी स्मृति दिवसका अवसरमा जारी गरेको वक्तव्यमा लोकतन्त्र, संविधान र जनताको अधिकारको रक्षाका लागि पुनः नेपाली भूमिमा फर्किन लागेको सन्देश दिएका हुन्।

करिब छ दशकभन्दा बढीको राजनीतिक यात्रालाई स्मरण गर्दै लोकतन्त्रको पक्षमा आफ्नो अडान कहिल्यै नडगमगाउने बताउँदै देउवाले पछिल्लो समय मुलुकमा प्रतिशोधको राजनीति बढ्दै गएको भन्दै लोकतान्त्रिक मूल्य र मान्यतामाथि चुनौती देखिएको उल्लेख गरेका छन्।