एक महिनामै सर्वोच्चको न्यायिक सुशासन केन्द्रमा १८६ गुनासा, ५७ प्रतिशत फर्छ्योट

सर्वोच्च अदालतले न्यायपालिकामा सुशासन, पारदर्शिता र सेवाग्राहीमैत्री सेवा प्रवाहलाई प्रभावकारी बनाउन स्थापना गरेको ‘न्यायिक सुशासन केन्द्र’मा सञ्चालनको पहिलो महिनामै १८६ वटा गुनासा दर्ता भएका छन् ।

तीमध्ये १०६ वटा अर्थात् करिब ५७ प्रतिशत गुनासा प्रारम्भिक चरणमै फर्छ्योट भएको सर्वोच्च अदालतले जनाएको छ ।