चीनबाट नेपालले लिनुपर्ने लाभ

नेपाल–चीन सम्बन्ध युगौँदेखिको हो । करिब १६०० वर्षअघि चिनियाँ भिक्षु फा स्यान र नेपाली भिक्षु बुद्धभद्रले एक अर्काको देशमा भ्रमण गर्नुका साथै बौद्ध धर्मसम्बन्धी ग्रन्थहरूको अनुवाद गर्दै धार्मिक तथा सांस्कृतिक सम्बन्धलाई बलियो बनाएका थिए ।

चीनको ताङ वंशकाल (७औँ शताब्दी) मा नेपाली राजकुमारी भृकुटीको तिब्बती राजा स्रोङचेन गम्पोसँग गरेको विवाह तथा नेपाली कलाकार अरनिकोले बेइजिङमा निर्माण गरेका प्रसिद्ध श्वेत स्तूपलगायतका कलाकृतिहरूले नेपाल–चीन सम्बन्धलाई थप प्रगाढ बनाएका छन् ।