हारको पीडाबीच मार्टिनेजको भावुक सन्देश– सन्यास लिनेबारे सोचिरहेको छु

अर्जेन्टिनाका अनुभवी गोलरक्षक इमिलियानो मार्टिनेजले विश्वकप फाइनलमा स्पेनसँग १–० ले पराजित भएपछि अन्तर्राष्ट्रिय फुटबलबाट अलग हुने सम्भावनाबारे विचार गरिरहेको बताएका छन् । ३३ वर्षीय मार्टिनेजले अर्जेन्टिनाका लागि हालसम्म ६७ अन्तर्राष्ट्रिय खेल खेलेका छन् । उनले यस विश्वकपमा अर्जेन्टिनाका सबै आठ खेलमा पूरा समय खेलेका थिए । प्रतियोगितामा उनले दुई खेलमा क्लिन सिट राखे भने आठ गोल व्यहोरे ।

मार्टिनेज सन् २०२२ को विश्वकप विजेता टोलीका सदस्य हुन् । त्यसबेला उनले प्रतियोगिताको उत्कृष्ट गोलरक्षकलाई प्रदान गरिने गोल्डेन ग्लोभ पुरस्कार पनि जितेका थिए । विश्वकप फाइनलपछि सामाजिक सञ्जाल इन्स्टाग्राममार्फत उनले भावुक सन्देश लेखेका छन् ।