टोखा क्षेत्रमा जग्गाको मूल्याङ्कन : ग्राण्डीदेखि गणेश मन्दिर क्षेत्रमा सबैभन्दा धेरै बढ्यो, कहाँ कति ?

काठमाडौँ । टोखा क्षेत्रमा पर्ने जग्गाको नयाँ सरकारी मूल्याङ्कन कायम भएको छ। भूमि प्रशासन कार्यालय टोखाले आर्थिक वर्ष २०८३/८४ का लागि निर्धारण गरेको नयाँ दररेटअनुसार टोखा, बुढानीलकण्ठ र तारकेश्वर नगरपालिकाका विभिन्न क्षेत्रको जग्गाको मूल्याङ्कन कायम गरिएको हो।

यस अनुसार जग्गाको सरकारी मूल्य एकमुस्ट वृद्धि भएको छ । प्रमुख जिल्ला अधिकारीको अध्यक्षतामा बसेको न्यूनतम मूल्य निर्धारण समितिको बैठकले साविकको दररेटमा परिमार्जन गर्दै नयाँ मूल्य तोकेको हो। पारित लिखतमा थैली अङ्क कायम गर्ने प्रयोजनका लागि तोकिएको यो नयाँ मूल्यसूची साउन १ गते देखि लागू भइसकेको छ।