प्रोटोनको भक्तपुरमा फ्ल्यागशिप थ्रीएस स्टोरसहित ११ शोरुम सञ्चालनमा, बिर्तामोडमा पनि चाँडै

काठमाडौं । नेपालका लागि प्रोटोन गाडीको आधिकारिक बिक्रेता जगदम्बा मोटर्स प्रालिले प्रोटोन ई मास फाइभ विद्युतीय सवारीको औपचारिक सार्वजनिकीसँगै भक्तपुरको राधेराधेमा अत्याधुनिक सुविधासम्पन्न एकीकृत थ्रीएस (सेल्स, सर्भिस एन्ड स्पेयर पार्टस) फ्ल्यागशिप स्टोरको उद्घाटन गरेको छ ।

भक्तपुर शाखासँगै जगदम्बा मोटर्सले आगामी हप्तादेखि वीरगञ्ज, जनकपुर र नेपालगञ्जमा समेत नयाँ शोरुम सञ्चालनमा ल्याउने घोषणा गरेको छ । यसअघि कम्पनीले नक्साल, थापाथली, विराटनगर, चितवन, पोखरा, बुटवल र धनगढी गरी ७ स्थानबाट सेवा प्रवाह गर्दै आएको थियो । नयाँ विस्तारपछि देशभर प्रोटोनका ११ वटा पूर्ण शोरुम तथा सर्भिस सेन्टर सञ्चालनमा आउनेछन् । साथै, आगामी दशैंसम्म बिर्तामोडमा थप एक शाखा खोल्दै सञ्जाल १२ वटा पुर्याउने कम्पनीको योजना छ ।