नन्दनले तोडे नामिबियाको सुरुवाती साझेदारी

आइसिसी पुरुष क्रिकेट विश्वकप लिग-२ अन्तर्गत नामिबियाविरुद्धको खेलमा नेपालले बलिङतर्फ पहिलो सफलता हात पारेको छ। नेपालले प्रस्तुत गरेको १५८ रनको सामान्य लक्ष्य पछ्याएको नामिबियाले ११ ओभरको समाप्तिमा १ विकेट गुमाएर ४५ रन बनाएको छ।

नेपालका लागि तीव्र गतिका बलर नन्दन यादवले पहिलो सफलता दिलाएका हुन्। उनले खेलको सातौं ओभरमा नामिबियाका प्रारम्भिक ब्याटर अलेक्जेन्डर बुसिङ-भोल्सेन्कलाई विकेटकिपर आसिफ शेखको हातबाट क्याच आउट गराए। बुसिङ-भोल्सेन्क २१ बलमा २ रन बनाएर आउट हुँदा नामिबियाको स्कोर २१ रन थियो।