पर्सा र बाराका सीमा नाकामा गृहमन्त्रीको छड्के

काठमाडौँ । गृहमन्त्री सुधन गुरुङले बारा र पर्साका सीमा नाकाहरूमा आकस्मिक अनुगमन गरेका छन् । शुक्रवार साँझ मधेसका बारा र पर्सा पुगेका गृहमन्त्री गुरुङ कहाँ बास बसे भन्नेबारे सुरक्षा निकायले थाहै पाएनन् ।

शनिबार सीमरा हुँदै गृहमन्त्री काठमाडौँ फर्किने सूचना पाएपछि बारा र पर्साका प्रमुख जिल्ला अधिकारी र सुरक्षा प्रमुखहरू विमानस्थल पुगे । बरामा कार्यरत प्रहरीका एकजना अधिकृत भन्छन्, ‘उहाँ अनौपचारिक अनुगमनमा आउनुभएको रहेछ, सिमरा एयरपोर्टमा प्रजीअ र सुरक्षा प्रमुखहरूसँग भेट भएको थियो ।’