निष्प्रभावी बन्दै बालेन सरकारको नीति, एकपछि अर्को धक्का

काठमाडौँ । सुशासन र सामाजिक न्याय सहितको समृद्धिलाई मूल लक्ष्य मानेको सरकारले पछिल्लो समय एकपछि अर्को धक्का झेल्नु परेको छ। वालेन्द्र (बालेन) शाहको नेतृत्वमा चैत १३ गते सरकार गठन भएको थियो । मधुमास (सय दिन) पूरा गर्दासम्म सरकारका केही नीति असफल देखिएका छन् । सरकारका केही गलत नीतिका कारण समाजमा जनआक्रोश बढ्दै गएको देखिन्छ ।

सरकारले ल्याएको आर्थिक वर्ष २०८३/०८४ को बजेटमार्फत स्वास्थ्य र शिक्षामा लगाएको समता करको चौतर्फी विरोध भयो । परिणामस्वरुप सरकारले त्यस्तो कर असुल्ने निर्णय फिर्ता लिएको छ ।