नेपाल टेलिभिजनको स्याटेलाइट खरिदमा अनियमितता भएको निष्कर्ष

नेपाल टेलिभिजनले स्याटेलाइट ब्याण्डविथ खरिद तथा भाडा सम्झौतामा गरेको प्रक्रियामा गम्भीर कमजोरी र अनियमितता भएको निष्कर्षसहितको छानबिन प्रतिवेदन प्रधानमन्त्री तथा मन्त्रिपरिषद्को कार्यालय र अख्तियार दुरुपयोग अनुसन्धान आयोगमा पठाइएको छ।

सूचना तथा सञ्चार मन्त्रालयले ‘नेपाल टेलिभिजनको स्याटेलाइट ब्याण्डविथ खरिद सम्झौतासम्बन्धी छानबिन समिति प्रतिवेदन, २०८३’ दुवै निकायमा पठाउँदै आवश्यक अध्ययन, थप छानबिन र कानुनबमोजिम प्रक्रिया अघि बढाउन आग्रह गरेको हो।