सडकको ताजा अवस्था : कतै पूर्ण बन्द, कतै एकतर्फी सञ्चालन (सूचीसहित)

काठमाडौँ । बाढी र पहिरोका कारण देशका विभिन्न प्रदेशमा रहेका मुख्य राजमार्गहरू अवरुद्ध बनेका छन्। नेपाल प्रहरीले मंगलबार राति ८:३० बजेसम्मको अद्यावधिक विवरण सार्वजनिक गर्दै विभिन्न सडक खण्डमा सवारी साधन सञ्चालनमा रोक लगाइएको वा एकतर्फी मात्रै खुला रहेको जनाएको छ।

कोशी प्रदेश अन्तर्गत भोजपुरको बोखिमस्थित मध्य पहाडी लोकमार्गमा साउन १२ गते आएको बाढीले बाटो प्रभावित भए पनि हाल वैकल्पिक बाटोसहित एकतर्फी सुचारु रहेको छ। इलामको राजदुवालीस्थित मेची राजमार्गमा साउन २३ गतेदेखि पहिरो जाँदा सडक पूर्ण रूपमा अवरुद्ध छ, जहाँ अर्को वैकल्पिक बाटो प्रयोग भइरहेको छ।