पशुपति क्षेत्रमा ऐतिहासिक गङ्गामाई जात्रा सम्पन्न, तस्बिरहरू

काठमाडौँ । पशुपति क्षेत्रमा मंगलबार ऐतिहासिक गङ्गामाई जात्रा श्रद्धापूर्वक मनाइएको छ। वर्षा र समृद्धिको कामना गर्दै “गङ्गामाई पानी देऊ” भन्ने धार्मिक विश्वाससहित आर्यघाटकी गङ्गामाईको रथयात्रा निकालिएको हो।

परम्पराअनुसार पशुपतिनाथको शिरमा विराजमान गङ्गामाईको मूर्तिलाई विशेष पूजा गरी आर्यघाटस्थित गङ्गा मन्दिरमा महास्नान गराइयो। त्यसपछि ब्रह्मा, विष्णु र महेश्वरको स्वरूप झल्किने तीनतले प्यागोडा शैलीको रथमा राखेर सांस्कृतिक बाजागाजासहित यात्रा गराइएको थियो।