३० हजार टन मल बोकेको तेस्रो जहाज कोलकाता आइपुग्यो

काठमाडौं । भारतको कोलकाता बन्दरगाहमा ३० हजार मेट्रिक टन युरिया मल बोकेको तेस्रो जहाज आइपुगेको छ । नेपालका कृषकहरूलाई समयमै रासायनिक मल उपलब्ध गराउने उद्देश्यका साथ मल ल्याइएको हो ।

कृषि, वन तथा पर्यवरण मन्त्रालयका अनुसार, हाल निरन्तरको वर्षाका कारण भारततर्फ मालवाहक रेलको सञ्चालन केही प्रभावित भएको छ । त्यसकारण मंगलबार नेपाल आइपुग्नुपर्ने १२ सय ५० मेट्रिक टन युरिया मल बोकेको रेल अब बुधबार नेपाल आइपुग्ने छ ।