एमालेले संसदमा भन्यो: विष्णु पौडेलको गिरफ्तारी राजनीतिक प्रतिशोध

काठमाडौं । नेकपा एमालेले राजनीतिक प्रतिशोधले पार्टीका उपाध्यक्षलाई पक्राउ गरिएको आरोप लगाएको छ ।

एमालेका सांसद पुष्पराज कँडेलले पार्टीका प्रभावशाली नेता विष्णु पौडेलको गिरफ्तारीलाई ‘राजनीतिक प्रतिशोध’ को संज्ञा दिएका हुन् । आइतबारको प्रतिनिधिसभा बैठकमा बोल्दै सांसद कँडेलले सरकारले पूर्वाग्रही ढंगले पौडेललाई पक्राउ गरेको भन्दै कडा आपत्ति जनाए।