बढ्यो अण्डाको मूल्य

काठमाडौँ । ‘बर्डफ्लु’ को प्रभावका कारण घटेको अण्डाको मूल्यमा पुनः वृद्धि हुन थालेको छ। उत्पादनमा आएको कमी र बजारमा माग बढेसँगै अण्डाको मूल्य बढ्न थालेको हो।

नेपाल लेयर्स कुखुरापालक सङ्घले ठूला फार्महरूको मूल्यका आधारमा बजार मूल्य तय गर्दै आएको छ। सङ्घका अनुसार नयाँ मूल्यसूचीअनुसार ठूलो अण्डा प्रतिक्रेट (३० वटाको) रु ४५० बाट बढेर रु ५०० पुगेको छ। त्यसैगरी, मध्यम अण्डा रु ४२० बाट बढेर रु ४७० तथा सानो अण्डाको मूल्य पनि प्रतिक्रेट रु ५० ले नै वृद्धि भई रु ४१५ पुगेको छ।