अख्तियारबाट खोसिदै नक्कली प्रमाणपत्र अनुसन्धान अधिकार

ऐन संशोधन गरेर प्रहरीबाट अनुसन्धान र जिल्ला अदालतमा मुद्दा दर्ताको व्यवस्था गरिँदै

काठमाडौं । सरकारले नक्कली प्रमाणपत्र, सम्पत्ति र लिखतमाथि अनुसन्धान गर्ने अख्तियार दुरुपयोग अनुसन्धान आयोगको क्षेत्राधिकार खोस्ने तयारी थालेको छ । सर्वोच्च अदालतले गठन गरेको एउटा कार्यदलको प्रतिवेदनलाई आधार बनाएर कानुन मन्त्रालयले अख्तियार दुरुपयोग अनुसन्धान आयोगलाई नक्कली प्रमाणपत्र, सम्पत्ति र लिखतमाथि अनुसन्धान गरी विशेष अदालतमा मुद्दा दर्ता गर्ने अख्तियारी खोस्ने तयारी अघि वढाएको हो ।